Húff! Maður verður nú að vera með, getur ekki verið hallærislegur! Já ég er að sjálfsögðu að tala um blog.central.is, allir að skipta svo ég ákvað að prófa. Heyrðu þetta er svona svakafínt kerfi, sérstaklega fyrir fólk með takmarkaða stafræna kunnáttu eins og ég sjálf:) Tjékkitt---> :)

Það er komið sumar, sól í heiði skín og allur pakkinn. Já ljúft var það í dag maður, hef einnig sterkar heimildir fyrir því að Hildur hafi komið heim milli hálfsjö og hálftólf, allavega er einhver taska í forstofunni minni, hmmm;)

Oj bara hvað ég nenni ekki að fara niðrí skóla klukkan átta í fyrramálið til að svara þremur spurningum í einhverju helv.. hópverkefni og fara svo aftur heim! Giska á að ég verði komin heim um tíuleytið og hvað gerir maður á föstudagsmorgni klukkan tíu? Oh hvað þetta er pirrandi, en það er stutt eftir, koooooma svoooooo!!
Jóna er að koma á morgun og mér þótti einstaklega skemmtilegt að lesa á blogginu hennar að liðið er í betra formi nú en síðustu helgi, vonum bara að leikurinn fari betur en hinir tveir síðustu helgi hehehe;)

...er þá ekki best að hundskast í háttinn svo maður verði nú ferskur í Innansveitarkronikunni á morgun:(
Gleðilegt sumar!

Fyrir ekki svo löngu var mikil og hörð umræða um upptöku skólagjalda við Háskóla Íslands. Þetta er náttúrlega alveg fáránlegt dæmi og margir munu örugglega þurfa að hverfa frá námi sökum þess að eiga ekki fyrir skólagjöldunum ef af upptöku þeirra verður. Kennaraháskóli Íslands er einnig ríkisrekinn háskóli og því varðar þetta mál okkur líka hér í Kennó. Í mars fóru tveir meðlimir SKHÍ á fund Listen (sem er samráðsfundur stjórna norrænna kennaranema) og lögðu fram ályktun um upptöku skólagjalda við HÍ. Það er skemst frá því að segja að fulltrúar stjórna allra kennarasamtaka á Norðurlöndunum skrifuðu undir þessa ályktun, við erum að tala um að þetta eru um 50 þúsund félagsmenn. En frú Menntamálaráðherra sá sér ekki fært að taka við þessari ályktun... kerlingargreyið! Hér er fréttin:)

Eiiiinmitt þegar allt virðist stefna í eina átt, gerist einn lítill atburður og skyndilega tekur maður u-beygju og er á leiðinni í hina áttina! Oh hvað mér finnst svona ákvarðanatakanir leiðinlegar. Ég meina Jóna er með ansi gott tilboð, en ég er líka búin að fá annað tilboð sem er bara pínulítið betra;)
Já krumpurassarnir mínir, þetta snýst sem sagt um sumarið og hvað gera skal.

Var annars í mjög leiðinlegum stærðfræðitíma í morgun og þar var verið að ræða prófið okkar. Fyrir ykkur sem ekki vita þá er ég á leiðinni í 50% munnlegt stærðfræðipróf á afmælisdaginn minn! Takk fyrir og góðan daginn!! Kennarinn sagði að þetta yrði nú bara pís off keik, við þyrftum bara að tala í tuttugu mínútur og reikna nokkur dæmi og sýna hvernig við myndum kenna einhver ákveðin atriði. Ég spurði nú bara pent hvort það yrði læknir á staðnum svona ef einhver færi yfirum eða liði yfir einhvern eða eitthvað svoleiðis. Henni fannst ég ekkert sniðug. En það er líka allt í lagi því mér fannst hún heldur ekkert sniðug þegar hún var að tala um í gær að hana hafi alltaf langað að skrifa ritgerð um tengslin milli stærðfræði og ljóðagerðar. Hún heldur því nefnilega fram að í gamla daga hafi fólk ekki vitað af stærðfræði en til að fá útrás fyrir stærðfræðigáfuna hafi það samið ljóð. Ég vek athygli á því að þetta er sama konan og skrifað maaaargra blaðsíðna ritgerð um töluna 60! Sumt fólk er tja, meira spes en annað!

Ég er farin að horfa á Sörvævör...

Tölvur og ég! Af hverju valdi ég upplýsingatækni sem kjörsvið á næsta ári? Ég er að vinna sérkennsluverkefni sem telur eina heila einingu (já þið hin þarna í HÍ og HR búin í kennslu og búin í prófum, ég á ennþá tvær vikur eftir í skólanum og tvö stór verkefni fyrir próf!!!). Ég var búin að skrifa þrjár blaðsíður í dag um ráð fyrir kennara varðandi nemendur með dyslexiu, uppruna dyslexiu og fræðilegar útskýringar um dyslexiu þegar tölvu/flugvéladraslið mitt ákvað að nú þyrfti Word að fara að sofa. Ég er enginn snillingur í að muna eftir að seiva þegar ég er að skrifa á fullu þannig að allt sem ég var búin að vinna, hvarf bara með helvítis Wordinu. Ég missti skyndilega allan áhuga á dyslexiu og las bara um fjölgreindir í skólastofunni í staðinn! Sem sagt dásamlegur sunnudagur hjá mér eða hitt þó heldur!

Ég ætlaði svo bara að liggja með tærnar uppí loft í sófanum í kvöld, en þá er auðvitað ekkert í sjónvarpinu. Uppáhaldsmanneskjan mín er í viðtali hjá Sigmundi Erni, Stöð tvö er að sýna 24 eða eitthvað álíka sem ég horfi ekki á og svo er örugglega einhver tyrknesk-úkraínsk mynd frá árinu 1982 í Ríkiskassanum (reyndar ekki búin að tékka á því, en grunar það sterklega).

Já og hefur einhver séð Hildi? Ég hef varla séð hana síðan fyrir páska... Æ riiiiiilí vonder væ;) hehehe!
Tvær vikur eftir í skólanum, kooooma svoooooo, berjast!

Það eru mjög sérstakir karakterara í kór... því komst ég að í gær! Ég stal bílnum hennar Jónu og brunaði í kórpartý (sem var haldið btw. í ekkert smá flottu húsi). Þegar þangað var komið voru flestir komnir á fjórða/fimmta bjór og stemningin eftir því. Strax var hent í mig sönghefti og mér skipað að taka undir (kommon, kórpartý og þá syngur maður að sjálfsögðu). Kórmeðlimir spiluðu undir á 100 ára gamlan flygil (vá hvað hann var floooottttuuuuurrrr), þrjá gítara, tvær bongótrommur og harmoniku. Algjör snilld:)
Ég var nú samt bara ægilega stillt stelpa og var komin heim um miðnætti, vakti Jónu og talaði og talaði við hana hehe;)
En nú, verkefnavinna:(

Við erum æææææææði:)
Þegar ég fór héðan út um hálffjögurleytið til að fara að syngja á tónleikum, var ég aaansi stressuð. Fannst við engan veginn nógu vel undirbúin. Núna, nokkrum klukkutímum og einum tónleikum síðar er ég alsæl. Tónleikar kórs KHÍ heppnuðust ótrúlega vel, fullt af fólki sem mætti (allavega þrisvar sinnum fleiri en við þorðum að vona) og fólk virtist almennt mjög ánægt með okkur:) Við erum æææææði:)

Fjúkkit maður! Engin kossaflensa handa mér:) Fékk að skipta á henni og streptókokkum í hálsi og blóði! Oh svo heeeeppiiiin;) En mál málanna fyrir ykkur sem hafið gaman af tónlist!
Og talandi um tónlist, þá var ég að horfa á American Idol í fyrsta skipti í laaaangan tíma. Og hvað er málið með rauðhærða gaurinn þarna. Maðurinn er með svo svæfandi rödd að ég verð sybbin bara á að heyra hann tala!
Jæja, best að fara að taka á móti Jónu litlu, hún er einhvers staðar á sveimi í stórborginni, eflaust að reyna að finna réttu leiðina heim til mín;)
Góða helgi!