Ái-ái-ái-ái er svona beisikklí það eina sem heyrist frá mér þessa dagana. Erum að massa ræktina í orðsins fyllstu merkingu. Hrikalega fínt og ennþá betra þegar maður fær harðsperrur (já eða hassperur eins og einn gáfumaðurinn (munið, konur eru líka menn) orðaði það svo skemmtilega). Hildur stefnir eflaust á fitness með þessu áframhaldi, enda gellan orðin þjálfari í Baðhúsinu, ég stefni hins vegar á fat-fitness eða eitthvað svoleiðis;) Ætla þokkalega að taka hana í nefið...
Nóg um það, Svíþjóðarförin nálgast eins og óð fluga og erum við frænkur svona um það bil að springa úr spenningi. Ég hef reyndar lítið heyrt frá þessum Skaufbæingum, en þeir eru væntanlega flestir hálfmeðvitundarlausir af spenningi, eða ég kýs að halda það allavega.
En svona til að æfa mig í ferðalögum ætla ég heim í sveitasæluna núna um helgina. Bruna austur á föstudag og heim aftur á mánudag:) Sweet home Hornafjörður...
Frétt dagsins er hins vegar sú að uppáhaldskallinn minn í öllum heiminum á afmæli í dag og fær hann í tilefni af því pakka á föstudaginn:) Til hamingju með daginn gamli:) (og til að fyrirbyggja allan misskilning er ég að sjálfsögðu að tala um pabba gamla).
Jæja, þá er ekki seinna vænna en dýfa höfðinu ofan í aðalnámskrá grunnskóla og einbeita sér að stærðfræðihlutanum, oh! You just gotta love my homework...

Ooooooooooooohhhhhhhh mig langar svo að bjóða mig fram í Stúdentaráð Kennaraháskólans. Eitt minor vandamál, ég bara hreinlega þori ekki... Mig langar eitthvað svo ótrúlega mikið að hafa puttana í einhverju sem tengist skólanum (svona eins og í þriðjabekkjarráði, hagsmunaráði, Carminunefnd í MA). Einhver/jir gæti haldið að ég væri að mig langaði að gera þetta á öðrum forsendum, en það er vitleysa. Mig langar bara að gera eitthvað skemmtilegt sem ég held einmitt að þetta sé... Nú er bara að reyna að mana kjúklinginn upp í þetta, sjáum til hvernig það gengur!