Rosalegt stuð í gær. Fór í afmæli til Gísla sem haldið var í Sjálfstæðishúsinu í Kópavogi. Ég ætlaði mér bara að vera róleg og fara snemma heim, en þið vitið hvernig það fer þegar maður planar svona... Gísli veitti vel af sterkri bollu sem varð alltaf sterkari og sterkari en samt fann maður alltaf minna og minna bragð, einhver töfrabrögð þarna í gangi;) Fínasta partý sem varð úr þessu. Svo var haldið niður í bæ þar sem ég var eitthvað að dandalast til rúmlega þrjú, fór þá bara heim, glöð og sátt við skemmtilegt kvöld:)
Í hádeginu fórum við Svana á American Style til að byggja okkur upp fyrir langa setu uppí Kennó með frosið bros á vörunum. Mættum svo þangað og gerðum borðið okkar og töfluna sérdeilis fínt og Kristján og Guðrún bættust í hópinn. Ég var svo himpigimpið í hópnum, hélt uppi skemmtiatriðum fyrir liðið með því að vera bara bjánaleg. En það er alltaf skemmtilegt.
Nú er hins vegar planið að liggja uppí sófa og borða óhollustu þar til á morgun:)
p.s. það eru víst bara glerborð í einni stofu í HR, auðvitað héldu þeir fundinn þar;)

Ég hugsa að ég eigi eftir að gráta af gleði klukkan tvö eftir hádegi á morgun. Þá er ég nefnilega komin í frí þar til klukkan tólf á hádegi á sunnudaginn. Eða frí... þarf reyndar að vera uppí skóla frá 12-16 á laugardaginn og standa eins og álfur í einhverjum bás til að kynna tilvonandi stúdentum í KHÍ, væntanlegt félagslíf næsta árs. Það verður blómlegt, því getum við lofað. Annars var dagurinn í dag frekar strembinn (svona ef frá er talinn kærkominn korters blundur eftir hádegi). Það var nefnilega þannig þegar við mættum til kennslu í morgun að viðtökukennarinn okkar var veikur. Ímyndið þið ykkur hvað 24 ellefu ára gamlir krakkar reyna og reyna ekki þegar kennarinn sér ekki til. Við Erna þurftum allaveg að taka á honum stóra okkar... Það hlaut líka að vera, það gat ekki verið svona obbosslega einfalt að vera kennari;)
Eitt sem vakti athygli mína í dag. Klukkan 17:00 var ég mætt í stofu 101 í Háskólanum í Reykjavík til að sitja aðalfund BÍSN. Við Svana tylltum okkur í ofurþægilegu stólana þarna og biðum eftir fundinum. Þá tók ég eftir því að þeir HR-ingar eru með glerborð í a.m.k. þessari stofu, ég gerðist ekki svo fræg að fara í aðrar stofur til að tékka á munaðinum... Þetta þótti okkur alveg ægilega fyndið og nú skiljum við hvers vegna það er svona dýrt að vera í HR. Glerið kostar svo mikið;) Fundurinn fór annars vel fram og er gaman að segja frá því að KHÍ á helming stjórnarmanna, 5 talsins:) Ég stakk samt af af fundinum eftir rúmlega þrjá klukkutíma, þá átti ennþá eftir að fara yfir tvö-þrjú mál og ég var komin með ógeð á orðinu "lagabreyting". Hressilegur dagur og ég var að koma heim úr vinnu. Meira hvað sumir dagar eru langir í annan endann!
Nighty night

Er þetta nú ekki alveg týpískt? Allt vitlaust að gera hjá manni og þá dundar maður sér í einhverju eins og að blogga. laga til í blogginu og fleira. Lagfærði linkalistann minn, bætti inn nokkrum, tók út þá sem eru hættir og fíniseraði til:) Nú hugsa ég að ég fari fram í sófa og verði þar, þangað til á morgun:)

Oh ég er alveg að meika´ða sýnist mér!
Við Erna erum að rúlla kennslunni upp, eða við kjósum allavega að halda svo;)
Svo kom í ljós nú rétt í þessu að ég er greinilega ekki eins stafrænt fötluð og ég hélt ég væri! Allavega tókst mér að koma upp kommentakerfi, og er það bara gert fyrir þig Fjölnir. En að sjálfsögðu eiga allir að nota það, ekki bara Fjölli, þá væri ekkert gaman;) Væri samt gaman að geta minnkað stafina á þessu kommentadóti þarna... fötlun mín nær hins vegar yfir það og ég sé mér því ekki fært að breyta því að svo stöddu. Hjálp óskast!
Já svo er ég á leiðinni til Álaborgar 4.-8. ágúst á ráðstefnu LISTEN. Mér finnst ég alveg eldast um 100 ár þegar ég hugsa um að ég sé að fara á ráðstefnu. Það má svo sem ekki búast við neinu öðru en að þetta verði skemmtilegt og áhugavert mjög. Ég bíð þá bara spennt:)
Líkur aukast á því að ég heiðri Hornafjörðinn með nærveru minni í sumar! Vinna í borg óttans er vandfundin:(

Ég öskraði ekki á neinn, það leið ekki yfir mig, ég fór ekki að grenja, ég skammaði engan, ég geispaði ekki neitt (þrátt fyrir takmarkaðan svefn í nótt), ég beit bara átján sinnum í tunguna til að fara ekki að hlæja og þetta gekk hreint ágætlega fannst mér. Já, ég er að tala um fyrsta kennsludaginn sem nú er búinn:) Ég er nokkuð viss um að ég hafi valið rétt nám, allavega enn sem komið er. Það er nefnilega sagt að maður fái strax á tilfinninguna hvort maður hafi valið rétt eða ekki í fyrstu æfingakennslunni. Orkumiklir krakkar í bekknum mínum, það verður ekki af þeim tekið, vildi að ég gæti sagt það sama um mig... er ekki alveg með orkuna í botni núna og er að fara að vinna:(
Stefnir margt í að ég verði heima á Höfn í sumar... Nema einhver viti um góða vinnu handa mér hér í borg óttans. Mig langar nebbla alveg að vera hér að vinna;)

Eftir akkúrat hálfan sólarhring verð ég að klára að kenna tvöfaldan stærðfræðitíma! Wish me luck... Eitthvað sem segir mér að það sé svefnlaus/lítil nótt framundan! úff, svona nett stress sem er að gera vart við sig.
p.s. ég vann dömukeppnina á föstudaginn. Einhver hissa á því? ;)