Mig langar helst ekkert til að tala um gærkvöldið... Ég gekk um Gaukinn í MA-partýinu og tjáði að ég held næstum öllum sem ég talaði við hvað viðkomandi væri nú æðislegur og sætur og allt það. Meinti allt sem ég sagði en er samt á heví bömmer... Alltaf gaman að vera ég! Er búin að vera þynnri en smjörpappír í dag og það er ekkert að ganga neitt að jafna sig á því. Æj ég jafna mig þá bara á morgun! Það var gaman í gær en kvöldið tók furðulega stefnu og endaði ömurlega sem varð til þess að núna finnst mér eins og það hafi bara verið la la og ekkert meira en það. Fúlt! Langar samt að segja við Hörpu sætu sem var í FG-inu, sorry og takk:)

Var samt voða gaman að hitta fólkið og svona, get ekki skrifað meira, tölvuskjárinn of bjartur.

Hmmm! Já, ég er víst ekki alveg að standa mig í bloggeríinu þessa dagana.

Það sem er svona helst á döfinni núna eru fjögur stór skilaverkefni í skólanum, eitt smá problem, þau hafa öll sama skiladag eða 17. nóvember nk. En maður er svo mikill stressfíkill að þetta reddast örugglega á réttum tíma!

Heyrðu jú svo er MA-partý númer tvö á þessari önn. Það verður næstkomandi laugardag á Gauknum. Byrjar klukkan níu, bjór og skot á tilboði og þeir sem mæta fyrir ellefu fá frítt á ball með Írafár um kvöldið. Þetta verður örugglega hörkustuð eins og venjulega, síðasta djammið á önninni, allavega fyrir mig (nema maður detti niður á eitthvað rosalega skemmtilegt hehehe;).

Svo er ég nú eitthvað að viðra þá hugmynd að vera hér í borginni um áramótin, planið so far er allavega hrikalega gott. Segi ykkur frá því seinna!

Já svo var Jóna eitthvað að reyna að sannfæra mig um að fara með sér til Sverige. Sú sannfæring gekk rosalega vel, nú er bara að skoða fjármálin aðeins og svo er aldrei að vita nema maður geti bara skellt sér í langa helgarferð á gamlar slóðir:) (já og Jóna, Skaufaskvísa er ljótt orð, mjög ljótt finnst mér).